Tanzania Set to Mark World Veterinary Day with Enthusiasm
April 22, 2025
 |
|
| Manyara, Tanzania,
Tukio la kihistoria linaendelea kushuhudiwa nchini Tanzania kuanzia tarehe 24 hadi 26 Aprili 2025, kama sehemu ya maadhimisho ya kimataifa ya Siku ya Tiba ya Wanyama Duniani (World Veterinary Day). Mwaka huu, Tanzania inayaadhimisha maadhimisho haya katika mkoa mzuri na tajiri kwa mifugo wa Manyara. |
|
|
Uzinduzi Mkubwa wa Maadhimisho Mkoani Manyara |
|
 |
Leo, tarehe 24 Aprili 2025, maadhimisho haya yamezinduliwa rasmi kwa shamrashamra kubwa mkoani Manyara, yakihusisha wilaya za Babati, Mbulu na Hanang. Tukio hili la kihistoria limeacha alama kubwa kwa wakazi wa Babati na maeneo jirani ya Mbulu na Hanang, likiwaunganisha kwa pamoja kwa ajili ya afya ya mifugo na ustawi wa jamii.
|
|
Uwanja wa Tanzanite Kwaraa Wavutia Wengi |
|
| Uwanja wa Tanzanite Kwaraa, uliopo katikati ya mji wa Babati, umegeuka kuwa kitovu cha maadhimisho haya. Mandhari yake ya kuvutia, yakiwa yamefunikwa na nyasi laini za kijani kibichi, yamevutia wananchi kutoka Babati na viunga vyake, waliokuja kwa wingi kujumuika kwenye tukio hili muhimu. Ni hafla iliyozua hamasa na ambayo bila shaka itaendelea kukumbukwa kwa miaka mingi ijayo. |  |
|
Ushiriki wa Kipekee Kutoka kwa Madaktari wa Mifugo Nchi Nzima |
|
 |
Siku ya kwanza ya maadhimisho haya imeshuhudia ushiriki mkubwa na wa kipekee kutoka kwa madaktari wa mifugo waliotoka pande zote za Tanzania. Madaktari kutoka wizara husika, taasisi za serikali na binafsi, pamoja na mashirika yasiyo ya kiserikali, wameungana kwa ari kubwa kutoa huduma bora na za kitaalamu kwa jamii. Ushirikiano huu umeonesha mshikamano wa kitaifa unaopaswa kuenziwa. |
|
Mwitikio wa Kuvutia kutoka kwa Wafugaji wa Manyara |
|
| Mojawapo ya mambo yaliyovutia zaidi ni mwitikio mkubwa wa wafugaji waliokuja na mifugo yao kufaidika na huduma za bure zinazotolewa. Wazee, vijana na watoto walijitokeza kwa wingi huku wakishuhudia kwa mshangao upasuaji wa kitaalamu wa mifugo, mkubwa na mdogo, ukifanyika kwa ustadi mkubwa. Wengi wao walieleza mshangao wao kwa huduma za hali ya juu walizopokea. | 
|
|
Maelfu ya Mifugo Yahudumiwa Siku ya Kwanza |
|
 |
Maadhimisho yameanza kwa mafanikio makubwa. Zaidi ya mifugo 3,000 wakiwemo ng’ombe, mbuzi, kondoo, kuku na hata mbwa, wamehudumiwa kwa siku ya kwanza pekee. Huduma zilizotolewa ni pamoja na chanjo dhidi ya magonjwa mbalimbali, tiba, upasuaji wa kufunga uzazi, na ushauri wa kitaalamu juu ya ufugaji bora. Bila shaka ilikuwa ni siku ya mafanikio makubwa kwa sekta ya mifugo. |
|
Ushirikiano Imara kati ya Serikali na Chama cha Madaktari wa Mifugo |
|
| Mafanikio haya yamechangiwa kwa kiasi kikubwa na ushirikiano madhubuti kati ya Chama cha Madaktari wa Mifugo Tanzania (TVA) na mamlaka za serikali za mkoa na wilaya. Ushirikiano huu umewezesha utekelezaji mzuri wa shughuli zote zilizopangwa. Inatarajiwa kuwa mshikamano huu utaendelea hadi siku ya kilele na kuwa chachu ya ushirikiano endelevu hata baada ya maadhimisho haya kumalizika. |  |
|
Mwisho |
|
|
Kwa maelezo zaidi, tafadhali wasiliana na: Dr Harrison Sadick – Mwenyekiti, Kamati ya Uratibu (0763 857 837) |
|
